امل محمود عبد الرازق . جلا جلا جلا جلا
جلا جلا جلا جلا
حاوي أنا وب منجلة
ما تيالا نلعب بالورق
يرجع جنيهنا اللي اتسرق
ونشعللوها صهلله
دنيا العجايب ياولا
هات العيال با أبو العيال
وبص شوف سحر الخيال
ألعب بالبيضة والحجر
واسحر عيون اللي حضر
العاب ماتخطر ع البشر
شخللي جيبك شخلله
جلا جلا جلا جلا
أنا الشيطان الألعوبان
انا اقدر العب بالمكان
والمستخبي اوام ويبان
إظهر عليك كل الأمان
بدون دجل ولابهلله
جلا جلا جلا جلا
أحط إيدي في الجيوب
وأقول علي كل العيوب
الحبل يمشي علي الحيطان
تعبان ياعالم مس شيطان
واعرف حياتك من زمان
وأعملها حلقة مسلسلة
جلا جلا جلا جلا
انا الحاوي أبو التفانين
أسرق كحلك كدا م العين
واعرف بيتك وساكن فين
صنايعي حالتي مقندلة
جلا جلا جلا جلا
تعالي شوف ياولا
ويالا حل المسألة
التعليقات مغلقة.