قوم وطير..بقلم اشرف الشناوى
مهما كان
الليل طويل
بكره تلقى
الصبح طالع
وسط ليل مليان
عويل
والتحدى انك
تكمل
حتى لو كان
مستحيل
حتى لو حلمك
ماجاش
كمل المشوار
وشيل
واوعى ترجع
مهما كانت
دنيتك
او لون جراحك
حتى لو مكسور
جناحك
قوم وطير
المهم انك تحاول
وارمى حزنك
جوا بير
ضحكتك هى
الطريق
واوعى حزنك
يخطفك يرميك
فى ضيق
واملا قلبك
بالامانى
دنيتك تصبح
اغانى
تلقى بكره
جاى بيجرى
يحضنك فتعيشه
تانى
حتى لو وسط
الحريق
حتى لو عايش
غريق
غطى روحك
بابتسامتك
الامل محتاج
معافره
وسط احزان
بنت كافره
ذق فى المجداف
وعدى
تلقى بر الامنيات
تلقى روحك
جوا منك
نبض طالع
م السكات .
التعليقات مغلقة.