انا عشقاك بجد.بقلم أشرف يوسف
أنا مش زي حد
أنا عاشقاك بجد
أنا حب و حنان
أنا ياسمين وورد
من غيرك حبيبي
إيه تبقي الليالي؟
وانا بوهب عشانك
كل عزيز و غالي؟
قرب خد إيديا
تلمسهم إيديك
حس بنبض شوقي
وانا دايبه ف عنيك
كنت زمان وحيده
تايهه وقلبي خالي
من ساعة ما شوفتك
جيت غيرت حالي
عيشت معاك حياتي
وبقيت واحده تانيه
كل دقيقه أفرح
واضحك كل ثانيه
يااااه عالحب يااااه
وحلاوة الحياه
دوبني ف غرامه
وشغلني بهواه
التعليقات مغلقة.