انا هاوى.بقلم محمود فهمى حجازى
أنا هاوي وشعري
بكتبه بالحب
لقولت أنا محترف
ولا ليا كمان في الكدب
أنا عاشق حروف الشعر
وبتنفس هواه م القلب
لا أنا مرغم على نصوصي
ولا ب انتهج لغيري درب
وحبري من دم في عروقي
ينصب في القلم صب
وأبياتي في الغزل عفه
واخاف من عذاب الرب
لابكتب يوم عن الخسه
ولا أقلد في يوم الغرب
وبعشق تراب بلدي
اللي ضحى عشانها الأب
وبكتب لجل أنا هاوي
وشعري بكتبه من القلب
التعليقات مغلقة.