مزاد أوجاع بقلم.. مدحت رياض
في مزاد أوجاع هتلاقي كتير
أصناف م الوجع الجواني
قرب واشتري أو بدل فيه
لو قلبك مكسور وحداني
أو بص وخد فكرة وعدي
أهو عقلك ياخد ويودي
والسعر هناك آخر حاجة
ببلاش لو روحك محتاجة
والكل هناك ادأصلًابياع
وهقولك على بعض الأنواع
وجع اللي اشتاق ..ولحد
مهوش راجع تاني
وجع اللي يحب
ويطلع بيحب أناني
وجع اللي يطيب قلب الناس
وفي ليله يبات وحده يعاني
قلبك مكسور ولا إنت لقيت
كل المعروض أكتر منك
ولقيتها جروح صايبة وبتنوح
وشايلها الأصغر من سنك
كل المطلوب تكتب وتقول
والحبر هيتكلم عنك
ويا إما تفوت وتمد إيديك
يا تغمض قلبك وعيونك
وتحب جراحك من العشرة
واتعود شكل اللي يخونك
الناس في الدنيا مهيش واحد
ولا كل اللي هيلبس توبك
الكل عيوب بس الميزة
لو تفهمك نقصك وعيوبك
وتقرب من المولى بقلبك
ده المكسب لو يمحي ذنوبك
التعليقات مغلقة.