تعالى نحضن الأيام
بقلم.. أمل محمود عبد الرازق
تعالى نحضن الأيام
ونزرع ع القمر بستان
تعالى نعيش من غير أحزان
ونرسم للهوى ضحكة
نغنيها بشوق وحنان
ولما نلاقي دنيتنا بتنسانا
تعالوا نطلب الرحمة من الرحمن
تعالوا نروح على العنوان
وطول ما الدنيا سايعانه ولمانه
نبوس الإيد كمان كمان
واشكر ربي على فضله
وأحمي النفس من الشيطان
تعالى نحضن الأيام
ونبدر بذرة نلقاها في كل
طريق وتحمينا من التوهان
شريعة ربي في خلقه وأحكامه
وسلطانه وتنظيمه وضوح وعيان
ومهما نعيش سنين وايام
هنتحاسب إما نار وإما جنان
مفيش مهرب من السلطان
طريق ربك ينجينا ويحمينا
ويدينا من النعيم ألوان
تعالى نروح على العنوان
ونسرق م الزمن لحظة
توصلنا لبر أمان
****
التعليقات مغلقة.