أسامي بقلم صلاح شعبان الفيداوي
الإسم سعيد بس فين الحظ
ديما بختنا منحوس
إن رحنا لشغلانه تتقفل
والجيب خالي فلوس
أقول ياحظ مالك كدا
ماشي عكس التروس
لما دروسي إتقلعت
ولسه من الدنيا بآخد دروس
هوني علينا يادنيا الشقا
كفاية بقى قرب عقلنا
يكون ملحوس
الأسم سعيد والسعد
مهوش باين
ولا خير فيكي يكون محسوس
أمانه عليك ياحظ كفاية
لو ينفع أغير إسمي
تتعدل ويايا وتتغير
معايا النفوس
يامشطر الرايقين قاعدين
شافيني في الروحه والجيه
يشاورا عليا ويقولوا
اهوه المتعوس
طب ليه كان اسمي سعيد
يارتيني ما كنت سعيد
بس يكون معايا حظ وفلوس
بقلمي
القاهرة
١١/٨/٢٠٢٢
التعليقات مغلقة.