مسعد عبد الموجود البحراوي يكتب : ريح ضميرك
إنت اللي شايف نفسك
الناصر صلاح
بتقرب المسافات ونفسك تنتصر
تلقى الحبايب وقت مايصيبك جراح
الكل بيسيبك بدون ما بيعتذر
وانت العبيط مستنى قال إيه الصباح
ياخدوا الحبايب من زكاة شمسه النظر
القصه ياد بالمختصر
إنت الكيان اللي اتعصر
في حانة السُكْر الحلال
وعشان كده لاهتبقى صح
ف كون غلط
سبق ومين كَلّْ لَكْ ظلط
غير القضيب
فبلاش تعطل خطوتك
علشان حبيب
من وقت قالوا الأخ جار
والفقر عار والدنيا شعرها مستعار
صبح الحبيب مخلوق عجيب
يكبش وأول مَن يسيب
رَيَّح ضميرك م العبط
عيش حر واوعاك ترتبط
في زمن وفيه الحب عار
خليك حريص على أخرتك
مهما الطريق تحتك كَسَرْ
واتغير الكون والنمط
سامح أوي
وخليك قوي
مغويتش تعمل فهْلَوي
ربك ياواد هو القوي
يابخت من بيه ارتبط
سيب العَبط لاهل العَبط
ماهو إنت م النوع الحلال
اللي لايهوى الإنحلال
مهما بلغ حد الجمال
عقلك بيفسد نزوتك
من أجل ذلك تتبسط
وتحس إنك واد قوي
صدقني هحكي كتييييير قوي
خايف اللي بسمع يتلوي
مع إن حرفك صوت بلال
بالفطره طالع تربوي
ومسابش يوم ساحة القتال
بتنادي حي على الفلاح
قلبك يا واد مجنون سماح
لقبت نفسك بالجدع
في وقت مفهوش مجتمع
عاوز يجاوب إيه جدع
مستخسرين حل السؤال
والحل مفتاح الصلاح
اذا كانوا غاويين الصلاح
وغلبت دايما تحتوي
خليك كريم لكن قوي
واغفر وفارق بالقوي
المجتمع دا ماهوش سوي
التعليقات مغلقة.