غور في داهيه . بقلم وحيد على الجمال
هي كلمة واحدة ناهيه
بره قلبك مرتاحين
خلصت الحدوته خالص
واللي بينا كان ما بينا
بس طلعوا مسروقين
فاكره لسه كلمتين
لو فارقنا بعض يومها
اعتبرنا ميتين
ضلمة عايمة جوه طين
نورها لامع في الشوارع
والمطر واقف حزين
لسه بعد الضلمه طين
هو يوسف كان بينده
جوه بير
هو بعد السجن يطلع؟!
مستحيل
هو كان في السجن حر
بس برضه كان سجين
هو كان قادر يفسر
بس تفسيره لمين
هو كان قادر يغير
طب لمين أو ضد مين
هو كاتب في الوصيه
إن بكره لما يجي
راح يجاوب ألف سين
في القصيدة انا تهت منك
انت تقصد تاني مين؟!
قلب عايش بين نورين
علِّي صوتك قول آمين
الحساب مافهوش كسور
بحر ناشف
لسه مستني العبور
اللي باقي اجمعه
واطرحه فوق السطور
الفصال ممنوع نهائى
واللي بينا كان قشور
أرض بور
دعوة من أمي اللي ماتت
زارعه فيها عود بخور
قلب ميت لسه طالع م الطابور
سرب شابط في السما
بس مش عارف يدور
اللي بينا عمر ملحقتش أعيشه
بس نافش لسه ريشه
هو رافض بس مش قادر يثور
مهرك انت جوه قلبي
قايمه فيها الف سور
هو بعد الهجر سور ولا باب ؟!
القبر يطرح عمر تاني
بس مستني المرور
طبعك انت والخسارة
هي وضعك في البشارة
النتيجة هي هي
كنت فيها؟
والا غورت ف ألف داهيه؟
ياله غور
غور في داهيه
هي كلمة واحدة ناهيه
بره قلبك مرتاحين
خلصت الحدوته خالص
واللي بينا كان ما بينا
بس طلعوا مسروقين
فاكره لسه كلمتين
لو فارقنا بعض يومها
اعتبرنا ميتين
ضلمة عايمة جوه طين
نورها لامع في الشوارع
والمطر واقف حزين
لسه بعد الضلمه طين
هو يوسف كان بينده
جوه بير
هو بعد السجن يطلع؟!
مستحيل
هو كان في السجن حر
بس برضه كان سجين
هو كان قادر يفسر
بس تفسيره لمين
هو كان قادر يغير
طب لمين أو ضد مين
هو كاتب في الوصيه
إن بكره لما يجي
راح يجاوب ألف سين
في القصيدة انا تهت منك
انت تقصد تاني مين؟!
قلب عايش بين نورين
علِّي صوتك قول آمين
الحساب مافهوش كسور
بحر ناشف
لسه مستني العبور
اللي باقي اجمعه
واطرحه فوق السطور
الفصال ممنوع نهائى
واللي بينا كان قشور
أرض بور
دعوة من أمي اللي ماتت
زارعه فيها عود بخور
قلب ميت لسه طالع م الطابور
سرب شابط في السما
بس مش عارف يدور
اللي بينا عمر ملحقتش أعيشه
بس نافش لسه ريشه
هو رافض بس مش قادر يثور
مهرك انت جوه قلبي
قايمه فيها الف سور
هو بعد الهجر سور ولا باب ؟!
القبر يطرح عمر تاني
بس مستني المرور
طبعك انت والخسارة
هي وضعك في البشارة
النتيجة هي هي
كنت فيها؟
والا غورت ف ألف داهيه؟
ياله غور
التعليقات مغلقة.