زيك ماالاقيش غنوه جديده بقلم الشاعر أشرف يوسف
للشاعر : أشرف يوسف علي
لو الف الدنيا داير مايدور
زيك ماالاقيش
علشان في الدنيا اتنين زيك
يا حبيبي مفيش
أنا وانت وبس اللي بنشبه
بعضينا تمام
دي حقيقه بجد ياروح قلبي
مش أي كلام
دقات قلبك مع دقاتي
ياحبيبي بحس انها واحده
وشعورنا أكيد بيكون واحد
في الأنس ياروحي وفي الوحده
من قبل ما تبكي دموعك تنزل
من عيني
والفرحه في وقت ما بتجيلك
برضه تجيني
وهواك طول عمره بيجي
وشوقك مع شوقي
وبيجري ف دمي بنبض مشاعرك
في عروقي
وانا وانت اتنين والروح واحده
زي ما دنيتنا أكيد واحده
ما يفرقناش بس غير الموت
علي قد ما تتعبنا الوحده
الخميس بتاريخ ٢٠٢٢/٨/٤م
التعليقات مغلقة.