قطة بقلم.. أحمد فؤاد الهادي
قطة وطلعت ف الهوا
طار قلبها.. طار ف الهوا
وحتى صوتها راح والتوى
ماعادش طالع من بؤها
مابقتشى قادرة ع الدلال
ولاقادرة حتى ع النونوة
كت عاملة أستاذة دلال
ومجننة قلوب العيال
والكل عايز قلبها
تهرب بخفة وبدلال
ولاحد طال شئ منها
ولما طلعت ف الهوا
شافت بعينها قطها
اللى ساكن ف الخيال
طار قلبها
وحتى صوتها راح والتوى
ماعادش طالع من بؤها
مابقتش قادرة ع الدلال
ولاقادرة حتى ع النونوة
طب كنتى ليه بتتقلى
وكنتى ليه بتدللى
مش كنتى برضه تسألي
وتعرفي طبع الهوا
واللا انتى شاطرة ف النونوة
التعليقات مغلقة.