وقت فراغ بقلم وحيد علي الجمال
ما تخليش الليل يوجعنا
مهما نسينا بيفكرنا
باللي وجعنا إحنا شبعنا
من اللي ظلمنا و اتعلمنا
جوه دموعنا أن الفجر
أكيد هيعدي
و يجمعنا بعد سفرنا
مع الأيام
اتغيرنا لما غرقنا
في قلب دموعنا
ياما سهرنا و شوقنا
ما بينا كان يسبقنا
زي النسمة في كل مكان
و اتشعلقنا مع الأحلام
قولنا كلام و سمعنا كلام
كنا نطير من غير جناحات
و لا تمنعنا حواجز بينا
و لا مسافات
لما بعدنا و اتفرقنا مابقاش
حاجة بتربط بينا
بس ما بينا لسه حاجات
لسه أنا عايش على ذكراك
أنا مش عارف بعد رحيلك
إزاي هقدر أعيش من غيرك
أنا بتنفس لسه عبيرك
أنا بتغطى برمش هواك
أنا في الهجر هاموت
في غيابك
و احنا مابينا كتير مسافات
أنا مش قادر أصدق نفسي
اللي مابينا صحيح
مش حب
كنت حقيقي بالنسبالك
وقت فراغ
كل حنانك واللي
أنا عيشته أصله خداع
شكرا جدا على
أنا شوفته
و أنا متوهم صدق
هواك
بس أنا هأقدر آعيش
من بعدك و أمسح إسمك
و أنسى هواك
وقت فراغك بالنسبالي
هو العمر اللي هيفضلي
بعد رحيلك عايشه معاك
وحيد علي الجمال
التعليقات مغلقة.