لسه ماشي بقلم.. أحمد فؤاد الهادي
بيمر ليل من بعد ليل .. والليل طويل
والشمس تطلع من خرم إبرة ..
صبحها هلفوت .. يبص بصة وقوام يفوت
طب يعني أموت؟
خليني ماشي .. أسلي نفسي بالسكوت
وكل ما مشي لازم أشيل
والحمل قاسي .. وجع لي راسي
ما هوش قليل
والدنيا ليل من بعد ليل
عشق الديابة .. ستر الغلابة
واديني ماشي
يمكن أصادف شمس تايهة .. بين الحواشي
كان صبح واحد .. وراح ما جاشي
وانا لسه ماشي
وف يوم هاموت
التعليقات مغلقة.