يانيل بقلم /امل محمود عبد الرازق
يانيل أنت لينا دليل
والشوق يغمرني وياخدني
وأقول مواويل
على شطك مع قصبك
ونخل التمر عسل بيسيل
ياطمي ياكحل لعيوني
دموع عيني كنافورة
وتنورة تلف الدمع بالمناديل
علي مركب مع الصحبة
نغني لأحلي سهراية
على شطك يانهر حزين
أوعاك تخاف من الخنقة
اللي بتدبر لميتنا بقلب عليل
ياشرياني ووجداني أموت
لو مسك شيطان من الملاعين
هتفضل لينا شريانا وعنوانا
ومهما تفوت عليك نوة
هتحضن كل أشواقنا وأرزاقنا
وتحمينا وتسقينا ياعمر سنين
على شطك وشجر الموز
وصنارة بنصطاد بيها سمكاية
في ضلاية وصفصافة بينزل
شعرها الاخضر تسر العين
يانيل عشقك في قلوبنا
دا خيرنا كله من فيضك
ياشريانا ورضعة طفل
تروينا وتسقينا مابين شطين
أنا قلبي وشرياني فدا نهرك
ومهما الدنيا عاندتنا
هتفضل برضه لمتنا وشلتنا
تغني بأحى أسماءك
وترجع تاني أضواءك
ونور قمراية سهرانة
ونلعب فيها غماية
علي شطك ياليل يانيل
التعليقات مغلقة.