بحبك بجد بقلم . اشرف الشناوى
بحبك يابلدى
بكل اللى فيكى
بحبك وحبك
بيجرى فى وريدى
بحبك ياغنوه
تقولها البنات
ياضحكه تصحى
كل اللى مات
بحبك وعمرى
ماخونك فى يوم
هاخاصمك
واصالحك
واقولك
واصارحك
ولو بينا لوم
بحبك وشايفك
بهية زمانك
وابيع عمرى كله
ياغاليه عشانك
بحبك يابلدى
واشوفك مكانك
بحبك يانخله
ونيل بيجرى دايما
بحبك يااحلا
بلد فى الوجود
بحبك ياغنوه
ولحنها عود
بحبك شوارع
مداين بيوت
بحبك حمامه
وطايره بسلام
وكفك بيملا
الغيطان والزمام
بحبك ياغنوه
تلم السهارى
وترمى الغناوى
فى حجر الحيارى
يامصر انتى أصل
التاريخ والحضاره
فليه عاوزه منى
لحبك اماره
بحبك ومستنى
منك اشاره
التعليقات مغلقة.