اطمني شعر /أشرف الشناوي
اطمنى
قلبى ماحبش
حد غيرك
اطمنى
ومفيش عيون
شغلتى تانى
فى الغرام
اطمنى
دا انا لسه
طيفك
من ثوانى بيضمنى
اطمنى
ولا حد غيرك
فى الحياه
بيهمنى
انتى الامل
وانتى الامانى
فى سكتى
ازاى هاعيش
من غيرك انتى
فى دنيتى
انتى الطريق
وانتى الصديق
وانتى اللى عمرى
مانسى يوم
ابدا ملامح وشها
دا انتى اللى قلبى
فى الجراح
سلم فى لحظه
وحسها
اطمنى
مهما الوجع
زاد والالم
حبك بيزرع
فى العدم
ورد وعبير
اطمنى قلبى
اللى دايب م الهوى
حالف لنفضل
فيه سوا
مهما يطير
اطمنى لو عمرنا
ضاع مننا
مش هنسى يوم
حبى الكبير
اطمنى قلبى
اللى حبك
مهما عاش
هيعيش عشان
حق المصير ……………..
التعليقات مغلقة.