خواطر … شعر احمد شاهين
مش كل الصور حقيقيه
ولا كل الوشوش بتبان
فيه قسوه تبان حنيه
وحنيه عذاب وهوان
وعقول البشر بتغيب
لو قالوا قدر ونصيب
ترتيبهم مالوش ترتيب
غير درجة يادوب إنسان
مش كل الدموع أحزان
فيه. دمعه بلون بهتان
بتمثل. بتخدع ناس
وبدرجه تفوق. فنان
مش كل القلوب بتحب
فيه متعه يادوب بالقرب
مدتها يادوب فى دقايق
وفى لحظه الحقيقه تبان
مش كل الكلام موزون
ولا كل العته دا جنون
الحكمه ساعات بتكون
مصحوبه مع الهزيان
مش كل اللى عاش موجود
ولا كل اللى مات مفقود
فيه ناس فى القلوب عايشين
ونشوفهم وبالألوان
التعليقات مغلقة.