سامحينى… بقلم الشاعر رضا ابو شنب “بيرم المصرى”
ك
محتاج اقولك ابقي سامحيني
انا بعد منك تهت في الدنيا
محتاج لبحر الحب يسقيني
او اني الاقي في قلبي حنيه
انا نفسي اشوفك مرة وتجيني
واسيب عنيكي جوه في عنيا
وامسك ايديكي لو تطاوعيني
وتحسي بيا حتي لو ثانيه
انا بعدي عنك كان علي عيني
مين بعد منك تبقي في ايديا
و ازاي بحبك وانتي تنسيني
وازاي بتنسي الحب يا ليلي
ايزيس ودابت جوه شراييني
لمت ضلوعي حته في التانيه
والدم الاحمر كان بيرويني
ويخش قلبي بكل حنيه
دا البعد عنك ناره تكويني
مشتاق وشوقي ولع الدنيا
انا نفسي جوه عنيكي تخديني
واحس روحي قاعدة في الجنه
محتاج اضمك او تضميني
وامسك ايديكي وانزل الميه
واخبي فيكي الروح وخبيني
واحب فيكي بكل حرية
اسمك كتبته جوه دواويني
ورسمت ست الحسن مصريه
وكتبت فيها لو تسامحيني
انا بعد منك تهت في الدنيا
انا بعد منك تهت في الدنيا
التعليقات مغلقة.