يا بياع الجميز بقلم..محمد كسبه
يا بياع الجميز
مابقاش زماننا لذيذ
و محدش بقاله كبير
و رخصنا كل عزيز
يا ناكرين الخير
معندكمش ضمير
و أساتذة في التركيز
في أكل حق الغير
من كل ناحية نهب
و كبر قليل الأدب
و باع بدون تمييز
الكل لأهون سبب
أصل الحكاية فيها إن
في ناس عاجبها مكاننا
بتزقنا في دهاليز
ولا تبكي مرة عشاننا
موعود يا كبش الفدا
تلبي ساعة الندا
في ساحة التجهيز
بيضحوا بيك العدا
الله يجازي أبو لهب
و مراته شيالة الحطب
في ساعة التنفيذ
شاف حاجة ليها العجب
يا موعودين باللؤه
في الحضرة و المقرأة
في حب النبي تلميذ
في الصحبة و الملتقى
مهما بكون مجروح
كل الوجع بيروح
و بدعي لك يا عزيز
ترد فيا الروح
عم يا بياع الجميز
وجع الزمن خلانا تلاميذ
و الفرح لينا مش مسموح
و شباب صحيح لكن عواجيز
التعليقات مغلقة.