لون العتاب…
بقلم امل محمود عبد الرازق
…………..
لون العتاب
……………
العتاب مطلوب يقرب خطوتين
لما تبقي النية صافية وفيه حنين
ولما يبقي عتابنا نابع م الوتين
عاتب المحبوب براحتك في الصميم
بس يبقي بكلمة حلوة حبتين
تعرف بعدنا ليه ومش عارفين
وكلنا عايش لواحده متغربين
والاستكانة طبعنا ومستسلمين
لأننا رحنا بعيد في دنيا تانية
سرقت عاداتنا كلها ومش حاسين
واحنا بندفن بعضنا متسمرين
ولا فيه مبادرة تلمنا تسر العين
ونحط خيبة فعلنا على بعضنا
ونحمل الدنيا غلطنا واحنا فيها مظلومين
العتاب ياسادة في كلمتين
دليل الحب والطيبة مابين قلبين
طول حبال الود ومد الإيدين
ثبت جذور الحب بين خلين
قبل الزمان مايمر ونلاقي كاس المر
هو اللي قدامنا ومش قادرين
ونلاقي حبايبنا راحوا ولا رجعوا
ونتوه في دنيتنا ومش راجعين
…………………. َ
بقلم /امل محمود عبد الرازق
التعليقات مغلقة.