بامارة أية بقلم..رضا أبو الغيط
بأمارة ايه بتحبنى
وانت ياروحى خدعتنى
وجرحت قلبى اللى حلم
يلقى ف قلبك موطنى
بأمارة إيه قلبك حزين
وعيونه فيها دمعتين
وانت اللى بايع من سنين
نبض الحنان وظلمتنى
راجع شريط الذكريات
واقرا اللى كان بينا وفات
وانت هتعرف من سكات
ازاى وفين عذبتنى
ابعد عيونك
عن عيونى الدبلانين
وبلاش تقرب
م الشفايف والإيدين
دانا قلبى من كترالأنين
مهما تقول مايهمنى
ارجوك ياريت تبعد بعيد
وبلاش جراح كده من جديد
انا قلبى مش صخر وحديد
ولا حمل كدبه تهدنى
بأمارة ايه ..بأمارة ايه
بأمارة ايه بتحبنى
التعليقات مغلقة.