ملحمة العبور شعر.. رضا أبو الغيط
احنا اللى عَبرنا وحطمنا
كدبة بارليف
وهزمنا اليأس بأفكارنا
وكلامه الزيف
والفضل بيرجع للمولى
والجندى الفايز بالجولة
أبو قلب نظيف
احنا اللى بنكتب تواريخنا
جوه الكراس
وهرمنا….. يشهد بشموخنا
قدام الناس
بالصبر…….. بنغزل فرحتنا
ونقيد الشمع اللى ف بيتنا
بقلوب من ماس
احنا اللى بنبى ..وبنعمر
أرض الأجداد
وبنرسم بالزرع الأخضر
رمز الأمجاد
والنيل بيشاهد سواعدنا
وساعات بيميل يساعدنا
والخير أهو زاد
احنا اللى حلفنا نكون ليها
ف الشدة جدار
وان جف النيل اللى ساقيها
نبقى الأمطار
ونقول للرمل اللى ف سينا
هتكفى…….. بقمحك أهلينا
وهنملا الدار
احنا اللى هتفنا وفوضنا
أبطال الجيش
تنزل وتحطم بإيديها
وكر الخفافيش
واختارنا رئيس يملا عينينا
أحلامه يحقق أمانينا
ومعاه بنعيش
التعليقات مغلقة.