حب الوطن… بقلم أشرف الشناوى شاعر عامية البرامون -المنصوره
حب الوطن
دا عباده
مش كاب
وافرول
وبياده
حب الوطن
دا شهاده
اياك تسيب
الوطن لديابه
الوطن دا
عروسه حلوه
ومليحه
وكلمه من جوا
جوا القلوب
الوطن محبوب
وعشق فينا
بيدوب
الوطن روح
فى الجسد
تحييه
الوطن دار
وارض
وايد م الاذى
بتحميه
الوطن عرض
وفرض
زى الصلا
والصوم
الوطن مش بس
يعنى حدود
او جبلاية
قرود
الوطن لو عاش
يبقى اللى فيه
دا اسود
الوطن هو الحياه
والدم
فى الشريان
لو ضاع
فى يوم الوطن
ايه فايدة
الانسان
الوطن بنا وفلاح
وايد شايله
الامل
فى سلاح
تحمى الصبايا
الملاح
الوطن فكره
ونور
والفكره
مابتعشقش سور
والنور لو يتحبس
تلقى الوطن
مكسور
الوطن صبح
بيرمى كفه
عالخلايق
بحنيه
ويطبطب عالغلابه
اللى بيدفعوا
الديه
الوطن لو ضاع
يبقى اللى فيه
اغبيه ………………
…علموا عيالكم حب الوطن
التعليقات مغلقة.