احسن واحد بيمثل كلمات الشاعر .. رضا أبو شنب
انا احسن واحد بيمثل
ويبان فرحان
والسكر عندي بقي معسل
والفرح جبان
وبقول الاه من غير ماافصل
وفي كل ادان
مستني الموت يجي ويفصل
ويقولوا ده كان
وحانوتي هيجي مع مغسل
والكل يبان
هيشوفوا الجسم بيتغسل
مع صوت قران
ومحدش ابدا هيكسل
من اي مكان
والقبر هيفتح ويقفل
زي السجان
انا مين بديوني هيتكفل
ويكون انسان
ويفرق علي روحي معسل
او فص لبان
او مين علي قبري هيتوسل
ويقول غلبان
كان احسن واحد بيمثل
ويبان فرحان
كان احسن واحد بيمثل
ويبان فرحان
التعليقات مغلقة.