العرافة بقلم اسماء محمد
انا لا عرافة ولا بشوف الودع
ولا طبيب يدواي جرح ووجع
بس المواقف بتبين مين شهم وجدع
ياما قلوب انجرحت وملقتش مين يداويها
انا لا بقرأ الفنجان واقولك المكتوب مفيش بشر خالي م العيوب داري وجعك ولا تعيش مغلوب
دي الدنيا صعبة وماشية بالمقلوب
ومفيش غير ربك يعلم المكتوب
اوعاك تأمن لحد وتقوله اسرارك
هيقولك سرك في بير ويسيبك تلاقيه مع جارك
اوعاك تعاشر العويل وعاشر الاصيل يسندك لو عليه تميل
واضحك وامشي قدام عدوك
وافرد ضلعوك ولا يهمك
اوعي تسيبه يسم يوم بدنك
يموت ان لقاك يوم تضحك
خليك نضيف القلب والنية تعيش عيشة هنية والناس تحبك وتتمني في يوم قربك
كل ده شوفته في عنيك وقريته ونصحتك لا شوفت فنجان ولا قولتلك بختك
دي حكمة ونصيحة اسمعي مني تلاقي راحتك
التعليقات مغلقة.