حصاني الخشب بقلم وحيد علي الجمال
اركب عصايه واعمل حصان
وعفر هدومك في حرب العيال
وعَلِّي في صوتك ما بين الجيران
هتافك بيرعب صاحبنا الجبان
شجاعتك هتقلب معاك الميزان
وتبقي مرشح ويجي الاوان
تحارب هولاكو زعيم التتار
وداخل شوارع ماتعرف بيبان
بأن الآميرة وبنت الزعيم
خطفها الملثم ابن الغفير
اكيد الروايه نقصها كتير
دا عَيّل فلاتي وشكله عبيط
وتسمع حماتي كلام الشاويش
دي شله وفاسده بتشرب حشيش
ولما تعبنا ما بين الدروب
وضحكوا علينا برسم القلوب
نسينا تاريخنا وقالوا نتوب
بإن الشجاعة وحب الحروب
عشان الكرامة وأرض الجدود
بإن المياعه طريق الكيوت
وإن اللي فاضل في أرض الوطن
هيرجع حقيقي بسمنه وعسل
نطَبّع معاهم ونسأل رضاهم
ونكتب تنازل ونلبس كفن
حصاني الحقيقي في سوق النخاسه
حصاني اللي فاضل حصاني الخشب !!
هيفضل في حضني يفكر ولادي
بساعة ما بيعنا حيطان الوطن
وكان التنازل تبرُع حقيقي
لا منه حاربنا.. لا منه انتصرنا
ومهما هتسأل ماحدش هيقدر
يقول السبب
وحيد علي الجمال سرس الليان محافظة المنوفية جمهورية مصر العربية
التعليقات مغلقة.