الحب اللي مات ٢١ الشاعر رضا ابو شنب “بيرم المصرى”
من ديوان الحب اللي مات
(ياللي كان اسمك حبيبتي)
ياللي كان اسمك حبيبتي
ليه غدرتي وليه بعدتي
قلبي كان للحب صاين
وانتي ليه للحب خنتي
لما كان في عنيكي باين
كنت شايف نفسي انتي
كنت شايفك زي روحي
زي قلبي وزي بنتي
كنت بزرعلك جناين
كنت بندهلك حبيبتي
جوه عينك كنت عايم
كنت ماسك لما سيبتي
قبل منك كنت صايم
وانتي قبل الناس فطرتي
كنت تايه في المداين
والتقيت قلبك مدينتي
كنت شايف نفسي خاين
لما بوستك يوم وتبتي
ياللي كان اسمك حبيبتي
ليه غدرتي وليه بعدتي
ياللي كان اسمك حبيبتي
انتي ضيعتي من زمان
يوم ما بعتي يوم ما خنتي
يوم ما ضيعتي الامان
كنت شاري وانتي بعتي
اسألي حتي المكان
اللي شافك لما شفتي
المشاعر والحنان
اللي سمعك لما قلتي
حبنا هو الضمان
اسألي رعشة ايديكي
اسألي نظرة عنيكي
اسألي حتي اللسان
اسألي كل الخطاوي
اسألي حتي القهاوي
هيقولولك مين اللي خان
ياللي كان اسمك حبيبتي
انتي ضيعتي من زمان
انتي ضيعتي من زمان
ا
التعليقات مغلقة.