بيتنا زمان بقلم أسماء محمد

البيت الكبير
كان عندنا بيت
وجنبه الغيط
وحيطان من طين
و ماكينة خيط
كان عندنا بيت
وقلة وزير ولمبة جاز
بنص ازاز ومكانها الحيط
وعيش مخبوز وميا في كوز
وجد عجوز نوره مالي البيت
كان عندنا بيت فيه كام شباك
وطشت عجين وفرن كبير
قدامه ستات

وأبويا شغال ليل ويا نهار يعزق في الغيط وأخر اليوم يرجع بالخير
وأكل الطير
كنا عايشين في راحة وامان
نشتري نوجا م الدكان ومعاهم مصاصة ولبان
نكتب واجب ع الطبلية
وننام بدري عشان نلحق الصبحيةأروح مدرستي ومعايا جارتي
وأول حصة لغة عربية
نقعد نسمع من أستاذتي الغالية صفية
تسأل وأنا أجاوب وتسقف وتبصلي بصة حنية
كان عندنا بيت