متنزلوش بقلم.. احمد فؤاد الهادي
مَتِنْزِلوش يوم حداشر
مَتِنْزِلوش
يمكن تعَزّْوا ف اللي ماتوا
وماترْجَعُوش
سيبوا الجبان خَلُوه يبان
وجيش بلدنا مايرحموش
و مَتِنْزِلوش
فيلم مكتوب له السيناريو
ونفسهم يصوروه
والشعب يخرج زيهم
يبهدلوه ويورطوه
والشرطة تبقى في المواجهة
وجيش بلادنا يشوهوه
ويلطموا ويصوتوا:
ياغرب حوش
وتبان حقيقة الوشوش
عشان مصيرنا كلنا
لاجل العزيزة أُمِنا
حلفتكم وبربنا
مَتِنْزِلوش
ــــــــــــــــــــــــــــــــ
التعليقات مغلقة.