حقنة أمل بقلم.. اشرف الشناوى
غنى واضحك
دا الحياه
من غير امل
تصبح جحيم
واوعى حزنك
يضربك كدا
فى الصميم
يقلع الحلم
اللى نبت
ويركنه كدا
عالقديم
غنى مهما يكون
غناك
حتى لو لونك
حزين
بكره تلقى ضحكه
طاله وسط احزان
السنين
بكره جى وبالامانى
يفرش الايام
اغانى
بس تبت فى
اللى جى
طول ماقلبك
لسه ماسك دفته
يبقى انت
حى
قوم وكمل
سكتك
مشوار طويل
حتى لو كان
م الوجع
تاكل نجيل
ضحكه واحده
ترجعك فى
المستطيل
الامل لو مات
فى قلبك
يبقى حلمك
فى الحياه
م المستحيل
شد فجرك وازرعه
دا الليل عويل
خلى حلمك
جوا منك حته
منك
حتى لو هاتموت
قتيل
بكره جى بالف
ضى
بس يفضل
جوا منك شبر حى
تحقنه بحبة
امل
وسط اللى جى
خلى روحك
غيه بتلم الحمام
وافتح الشباك
تلاقى
دنيتك قلبت
سلام
دى الحياه
من غير امانى
تساوى كام
التعليقات مغلقة.