اخر حلم بقلم اشرف الشناوى شاعر عاميه المنصوره البرامون
مادام لسه
الوجع قادر
يخرجنا
ويرميلنا الفرح
فتافيت
مادام لسه
الحياه تدى الامل
تنقيط
وترمى لنا كذا
ضحكه وفى
التشاطيب
مادام لسه
الجراح طازه
وشانقه الورد
فى الفاظه
وشده الحلم
من جوا
وترمى لنا الوجع
قوه
يكسر فينا
ويعافر
ويربطنا فى وتد
كافر
يعدى الصبح
متغطى
يلم جراحه ويوطى
كأنه عبيط
مادام الكل متغمى
فقوم غنى
ودق الحلم
فى الننى
وروحك طالعه
بالمللى البراح
واسع فسيبها
تطير
وغربل فى الامل
يمكن .تلاقى الحلم
فوق كفك
وفيه الروح
تعيش الباقى
من عمرك سفينة
نوح
تعدى الكل فوق
ضهرك ومن قهرك
دموعك تضوى
وتصهرج
كما القناديل
مادام الدنيا بتعاندك
هتغبلها
غنا ومواويل
وهتكمل فى مشوارك
لحلم جميل …………………
التعليقات مغلقة.