نهاية سنة ….بقلم إبراهيم الأفندي
واحنا في نهاية سنة
وبرغم طعم الظلم مالح
لسه انا هو انا
أنا جاي اقول اني مسامح
اللي مش فاهم صراحتي
واللي غدره قل راحتي
واللي قلل من مساحتي
واللي شاركني في ساحتي
واللي كان راحته عذابي
واللي جاب سيرتي ف غيابي
دا اكيد من غير ما يقصد
وبغباء فرفط ذنوبي
واللي واجهني يعيوبي
كل حاجة ممكنه
بعد ما مرت سنة من عمرنا
احترامنا و شكرنا
للي داوى قلوب جريحة
واللي أخلص في النصيحة
واللي زعلني بكلمة
لو صريحة لكن مريحة
و اللي شايل همنا
بعد ما مرت سنة
راح نوجه شكرنا
رغم طعم الظلم مالح
جاي اقول اني مسامح
كل خاين أو مخادع
كان قوي في الظلم بارع
اللي كان شارب قساوه
واللي علمني أحرص
وأفهم الدنيا بهداوة
و إللي في الشدة لقيته
أو لقيته مش هنا
بعد ما مرت سنة
راح نوجه شكرنا
للي شالني في الصعاب
واللي سبب لي الصعاب
واللي كانت روحي فيه
بس وقت الصعب ساب
للي كان راحته في عذابي
و اللي جاب سيرتي ف غيابي
و اللي كان من غير ما يقصد
و بغباء فرفط ذنوبي
بعد ما فاتت سنة من عمرنا
خلصت كلامى خلاص
التعليقات مغلقة.