خلوا بالكوا بقلم.. أشرف الشناوي
خلوا بالكوا
م اللى عاوزين
يكسروها
مصر غنوه
للحياه لو تفهموها
مصر مش بس الوطن
دى الامانى
والليالى والسكن
حبه حبه
مصر مليانه باأحبه
كل شده
تهون عشانك
وانتى اقوى من زمانك
خلوا بالكوا
م الديابه السعرانين
مصر حضن وللغلابه
الطيبين
خلوا بالكوا
م الجماعه الكدابين
مصر جايه وحلمها
فوق الجبين
مصر واقفه
وصالبه طولها
وابنها حالف يصونها
خلوا بالكوا
بس منها
م اللى عاوزين
يكسروها
ويبيعوها النخاسين ……………..
اشرف الشناوى
شاعر عاميه
المنصوره
البرامون
التعليقات مغلقة.