الشعر…
بقلم مدحت رياض
(الشعر )
الشعر موش صاحب وفي
يفضح دموعك ع الملأ
الشعر شئ جواك خفي
بتحس انه طوفان بدأ
ومعاه مفيش ابدا حدود
بيعدي فوق كل السدود
ولا مرة منك يكتفي
الشعر موش حبة حروف
وكلام في سطر بيترسم
الشعر صوت مليان بخوف
وبرغم ذلك يبتسم
ويداري حزنه المختفي
تكتب معاه او يكتبك
لو حد يقرأ بيحسبك
سلطان وعرشك من كلام
مع ان شعرك سرسبك
وبقيت بتشحت ضحكتك
من فرح غيرك والسلام
الشعر خد عمرك وراح
مع ان قلبك كان عفي
الشعر موش صاحب وفي
التعليقات مغلقة.