ع رصيف الشوارع كلمات اسماء محمد
أنا لا مجهول ولا ماضي
ولا بحكي كلام في الفاضي
ولا حد حاسس بعذابي
أنا طفل يتيم وحداني
أرصفة الشارع وخداني
والبرد بياكل وجداني
صعبان عليا حالي
وعيون الناس مش رحماني
قالو عليا أبن شوارع
انسان يائس وضايع
مين يتمني يعيش في الشارع
نفسه يلبس هدمة نظيفة
ويصلي معاكم في الجامع
عايز أشتغل ومفيش مانع
وكلامكو الجارح بيه سامع
فيه اللي جاي يتبناني
عشان يشغلني حرامي
يضرب فيا ويتحكم
أصله مش عاجبه كلامي
منا بحلم بمكان تاني
بحلم بحيطان ضماني
وسقف يسترني برد الليالي
وأتعلم يمكن في يوم الدنيا تحلالي
وانسي ان أبن شارع
وأثبت نفسي في مكاني
امتا يجي اليوم وتحقق أحلامي
التعليقات مغلقة.