في عز الخنقة بقلم /أسماء محمد
في بنت في عز الخنقة
تشوف ضحكتها تهز كيانك
حطمت أمالها بأفعالك
البنت سابت بيت أبوها
وقالت تكمل معاك مشوراك
بنت الأصول مهما تجرحها
تتحمل وكاتمة أسرارك
شافت في بيتهم الدلال
والحنان وانت دوقتها عذابك
هانت عليك كرامتها
وضاعت ضحكتها
كانت في بيت أبوها متصانة
ووعدته تخافظ ع الأمانة
فين كلمتك ي سيد الرجالة
ولا أنت فض خانة
جبت لنفسك الإهانة
ضيعت المكانة
ليه متكونش السند ليها
تراضيها وتحتويها
تكرمها تلاقيها
ولوجعها تداويها
متبكيهاش دي دعوة منها
ربنا يكرمك بيها
التعليقات مغلقة.