مصر حلوة شعر رضا أبو الغيط
مصر حلوة بيك وبيا
مصر دي أجمل صبية
واللى زارها وخش دارها
راح يقولك مين بهيه
ام توب اخضر حرير
الأميرة ….. أم الأمير
صاحبة القلب الكبير
والضمير ….المية مية
مصر هى الجنة لينا
والسعادة اللي فى عينينا
وان سألت الكون علينا
وللا عن مصر الأبية
هيقولولك دول شموعها
والثمر ف ايدين فروعها
والدوا لألام جروحها
والسلام …. والانسانية
مصر هى نور فرحنا
والأماني اللى ف صباحنا
وان زعلنا بيصالحنا
قلب مصر المغربيه
لما نبضه يقول تعالوا
علموا العالم بحاله
واللي غره كُتر ماله
تبقى مين مصر الأبية
مصر حلوة باللي فيها
وبرئيسها نور عينيها
وان وصفتوا حبي ليها
قولوا عاشق للصبية
اللى طارحة ليا فرحة
واللي فيا تملي سارحة
واللي قالت مش مسامحة
أي واحد جه عليا
مصر حلوة بكل ناسها
ربنا وحده حارسها
والقمر حالف يبوسها
كل ليلة ف العشية
والغيطان الصبح بدري
خيرها مالي حضن حجري
والأدان بيقول يامصري
مصر حلوة بيك وبيا
التعليقات مغلقة.