أستسمحك…شعر محمد مفتاح
أستسمحك
لحظة ماعيني تلمحك
بلاش تحلوي بزيادة
جمالك شئ فوق العاده
خطف قلبي
ماهوش ذنبي
أشوف أجمل بنات حوا
ملكتي القلب من جوه
وأنا لا حول ولا قوة
قابلت عينيكي
أحلي عيون
صبح عقلي بيها المفتون
هواكي جنون
وعينك فيها بكره الجاي
بداية ضي
ونسمة فجر بتشقشق
تقولي أعشق
وأنا كنت المطيع جداً
عشقت بكل ما أملك
وحبك أتفرض فرضاً
حبيبتي بجد ما بجاملك
كأن الدنيا من قبلك
ولا كانت
وناس حبيتها من قلبي
لكن خانت
خلاص هانت
جه قلبك
ونساني
ماكان ويكون
لقيت في عينيكي عنواني
وأنا أتعهدت ليها أصون
يافرحة بتمحي أحزاني
بقيت بيها بأعيش وأكون
التعليقات مغلقة.