كتاب المُهَمَّش …. بقلم وحيد علي الجمال سرس الليان محافظة المنوفية جمهورية مصر العربية
كتاب المهمش ابن المِحَن
قريبا هيطلع بأرض النِعَم
وله الف نسخه بتزرع أمل
ومهما تلاقي موانع كتير
هتصبر وتدفع سنين السفر
وتبكي عذابه تشم ف ترابه
وعشقك هيفضل بريحة الالم
تسبح بظُلمُة وتلعن في أمه
ولو غصب عنك بتيجي تسلم
وتلبس كفن
تحدد نصيبك في دينه الكبير
لغاية ما يطلع لضهرك أتب
يموت الجميع وتفضل مطيع
لحد ما يطلع لطفلك شنب
نصيبي مدون اخدته وكامل
وتشهد عليا جميع المعامل
ولا مرة اطالب بحق الكفن
لأني المواطن سليل الحضارة
مثالي وصبور
راح اشتم في روسيا
قليله الادب
حروبها الكتيره دي هي السبب
لا لاقي فلوس وحق الغموس
قفلنا الماسورة بحق الفاتورة
وقولنا نوفر نطلع عرق
وشمعة جميلة تنور مدينة
ونشرب مرق
وعمر الجبايه ما تبني وتخلق
لحلمك سكن
طريق السعادة تبيع القلق
وتكتب تنازل لسيد البلد
ونرجع نردد بحرقه ووجع
بلادي العزيزه مكنش العشم
تبيعي ولادك في عز النهار
ويحلف عليا ابن الجيران
بإن اللي حاصل ده احسن قرار
انا اه المهمش سليل الحضارة
مليش حد غيرك احبه وطن
التعليقات مغلقة.