حنين بقلم إيمان رضوان -محافظة الأسكندرية
لسة فيا حاجة منك
اصلي بعشق لون ملامحك
مهما اغيب عنك وببعد
كل مرة باجي أصلحك
هو مين ع البعد يقدر
وانت ساكنة ف الفؤاد
كل نبضة قلب ليكي
وانتي سايقة ف العناد
دوبت دوب دوبني فيكي
ياللي عقلي فيكي غاب
مين يا كل الدنيا ليا
ينقص الحب اللي زاد
مين يقولك ع اللي بيا
انتي نقطة ضعفي فيا
مستحيل اتخلي عنك
وانسي حبك مهما خاب
لفي كل الكون بحاله
وارجعي من غير عتاب
ضمي فيا حنيني ليكي
واحصدي الشوق ف الغياب
خطي بنا حدود وعدي
رجعي الحب اللي شاب
نوري الدنيا بقدومك
وافتحي لي الف باب
التعليقات مغلقة.