“قلب استعمال” بقلم وحيد علي الجمال …سرس الليان محافظة المنوفية
حدش محتاج قلب استعمال
مشهود له في صابره بألف نيشان
معموله مقام و كمان تمثال
ملفوف لسه بورق السوليفان
مع إنه صغير أوي يا حرام
شاف غدر و حزن عذاب ألوان
شاف قسوة و مر تهد جبال
و الهجر حقيقي مع الخذلان
مش باعرف أكبر في الأهوال
البيع ده بجد مهش إعلان
لظروف ممنوع أبدا تتقال
و إذا كان السعر ما يتعوضش
و الفرصة كبيرة ما تتقدرش
و ضمانه معاك دا ملهش حدود
و لا تسمعلوش أبدا و لا صوت
متربي يقول حاضر على طول
أجمل لحظات عمره المسروق
وقت أم يشوفك كدا مبسوط
لوحتى في حقه أنت المحقوق
لا بيعرف يعتب و لا حتى يلوم
أبيض من جوه بس كتوم
إن حبك فعلا يتمناك
ما يخفشي الموت لو يبقى فداك
لظروف الهجرة في أي مكان
فيه ناس بتحب بدون طغيان
و ناس طغيانها عامل قلبان
حدش محتاج قلب استعمال
بحالة جديدة مهش على بال
طاهر و نضيف و مالهش ذنوب
غيرجرح قديم و مهش معيوب
و دموع مركونة في قلب نتوق
و حلم أنا عيشته و كان مسروق
وهو راح
من غير مايشوف للفرح صباح
دا كيوت حَبوب شيال أحمال
لو حتى الحمل دا وزنه جبال
الليل بيمر عليه هيمان
و لا لحظة عينيه أبدا بتنام
له قصايد عشق تدوب دوبان
لو تشرب منها تقوم عطشان
لو حس في مرة بحب حبيبه
يفرد جنحاته في بحر الشوق
مش عاوز يسمع أي كلام
و يبات الليل مغرم سكران
حدش محتاج قلب استعمال
التعليقات مغلقة.