فى أرض يسوع بقلم.رضا أبو الغيط
منيش قايل عواف ليكي
ولا سا لخير
مادام الخير من ام الخير
بقى ممنوع
ولحم الطير مع الدبابير
على سطح الجيران بيطير
وعير الدار
بقت راضية أموت م الجوع
هقولك ليه ؟
انا بهواكي من صغري
واشيل لك ليه ؟
شموس الصبح ف عيوني
وانا الموجوع من افعالك
وكيس مالك
وصوت قلبي من الأحزان
بقى مسموع
هاقولك ليه عواف تاني
يا منعاني أشوف النور
وسايبة الخلق تتمشي
على ظهري اللي صار مكسور
وفين الخير
عشان أنطق وأقول سا لخير
وانا والليل بقينا صحاب
بنتمشي ف طريق عتمة
وكله دموع
وحلم العمر لو غفل يقوم مفزوع
هاقولك ليه عواف وانتى
ما بتعافي
وناسية عينيكي أوصافي
ولما نحب نتعاتب
تقول عينك لعين قلبي
تعالى نغير الموضوع !!!
هقولك ليه مساء الخير
وخيرك مال على غيرى
وطيرى ع السطوح م الجوع
لقيته لاف على جارى
وقنديلى اللى كان زاين حيطان دارى
ما لاقى شموع
مانيش قايل عواف ليكى
ولا سا لخير
ياشابه حابه تتسلى بحلم فقير
بنى بيته من الأوجاع
على بحر الهزج مفاعيل
ودار يسأل على ناعسة فى أرض يسوع
التعليقات مغلقة.