تضحك … كلمات محمد مفتاح
تضحك
ف ضي الشمس
يزداد نور
تشبه جمال الحور
أوسندريلا
أميرة الحكايات
قلبي أنا معذور
غيرها ماشافش بنات
أو شاف وقال هيهات
أنه يكون غيرها
محتار في تفاصيلها
جميلة الأوصاف
أصل البشر أصناف
وهي نوع نادر
بجد مش قادر
أبعد بعيد عنها
أقول خلاص هنسي
في البعد هبقي أقسي
غرقان ماليش مرسا
تلاقني أحنلها
يوم ما ألتقيت بيها
حكيتلي بعينيها
جذبتني من بصة
عجبتني دي القصة
ودخلت صفاحتها
قريتها بالتفصيل
وفجاءه حبيتها
أنا كنت قبليها
عطشان وقابله النيل
سايق عليكي العشق
بالسر ماتبوحي
لو روحتي حد البعد
تلقي هناك روحي
ل لقاكي مستنظره
ياقمره ومنوره
يا مطيبه جروحي
وماتقفليش بابك
عشقي خالص صابك
ماعادش منه هروب
ولقانا كان مكتوب
من غير ما نعرف بعض
ولا كان ميعاد أو وعد
كنتيلي وش السعد
أزاي أشوف الورد
ولا تعشقوش عيني
أرجوكي زيدني
وأسقيني من خمرك
أسكر فأهواكي
أنا عمري ما أنساكي
ولا تنسنيش عمرك
التعليقات مغلقة.