خربشات المساء
بقلم جيهان النجار
#
مساء الخير يابت انتي
وحشتيني
بتنشلني كأني ف بير
ترجعني
معايا الحلم والتفسير
ولما تقول وحشتيني
يبان النور على جبيني
وتتنطط فساتيني
وبيزأطط ضيا عيني
وتيجي الضحكة من جوه
من الاخر بقيت حوا
ويوم مااختارما بين الناس
اقول هو
واجيبلك م الشجر تفاح
واحس اني بابيع العطر
وان قدومك استفتاح
ابوس الدنيا وش وضهر
ومجبورة لآخر الشهر
ولقلبي هاجيب ارواح
انا ف عرضك تنفعني بأي عبير
تسمعني مساء الخير
يابت انتى وحشتيني٠
التعليقات مغلقة.