هوى ديسمبر البارد .شعر/فتحى نجم
سقف روحي يادوب
معششه بحصير
جدرانه بايشه
رغم المعافره باعيش
مُر الزمن أيّد إيديه
رغم ال فيه
لساه بينوي يطير
كل الفصول ساعات
تحط عليه
بين المناوشه والمناهده
لساه غطاه من خيش
سيبوله نهار يرمم فيه
بواقي أنفاسه
يخطي الليل بلا إنذار ولا إعصار
من أقرب حد من ناسه
ويبدر وقت عصريه
حروف غنوه منسيه
ويكمرها بإحساسه
يدفي كل مشاعر الشوق
ويخضر زرعته بفاسه
سيبوله الحلم يتوضى
دا خيطه لسه متلصم
وكف النور بيترجى
يشد الروح إلـ متهشم
ومااتنسم هواه ف يوم بأغنيه
تعيد ليا هوى ديسمبر البارد
ولمحه من هوا ضله إلـ متبسم
كفايه العمر دا شارد
أنا الهايم بليل بكره
أنا الفكره …. أنا الدرويش
أنا فُله إلـ بيتبعتر
وماتعشم في فصول أمشير
التعليقات مغلقة.