صباحك ورد بقلم أحمد شاهين
صباحك ورد يا حبيبتى
يا أجمل ما شافت عينى
يا صينانى وانا فى غِيبتى
عيونك نيل بيروينى
صباحك نور من الجنه
وضِحكه بشوفها بتهنى
ومش قادر أنا أستنى
وبسأل إمته هتجينى
صباحك م المحبه كلام
وسهران قلبى. ما بينام
يقضى ليله كله غرام
ومش قادر يا نور عينى
صباحك شمس بتنور
يا أجمل ربى ما صّور
ما بسّتغناش ولا هقدر
أفارق سِر تكوينى
صباحك ورد يا حبيبتى
التعليقات مغلقة.