باطمنكم …بقلم اشرف الشناوى شاعر عاميه المنصوره البرامون
انا بخير واطمنكم
بان وقوعى مش دايم
وانى لسه مستحمل
وهاستحمل
وجع اكتر عشر مرات
انا بخير باطمنكم
على قلبى اللى قولتوا
اهو مات
وهارسم تانى
فى وشوشكم وبالعلامات
وهانحت وشى م الصخر
اللى فى الأزمات
انا بخير باطمنكم
على روحى من الكدمات
مادام لسه الامل فيا
هاعيش سنوات
وهابدأ تانى مشوارى
وهابنى اللى انكسر فيا
وهاعمل قلبى باب بساتين
وهاقلع كل اوجاعكم
وهبدرها غنا وياسمين
باطمنكم بانى خلاص
قفلت الباب وامنته
بمية ترباس
وان الجنه مش عاوزه
كتير حراس
وهارسم صبح من تانى
وف الكراس
وافصل حلمى م الاول
يكون بمقاس
باطمنكم
على الباقى وجوايا
وان القلب وبخيره
وان الجرح طاب فيا
ولو قناديلكوا مطفيه
هاولع شمعتى تانى
باطمنكم انا لسه
تمام وبخير ……………..
التعليقات مغلقة.