إنت مين …كلمات أحمد شاهين
كل يوم بِنموٌت فى نومنا
نصحّى نسعى فى الحياه
ساعه بنغيّر هدومنا
والوضوء ساعة الصلاه
مره تغِلبنا همومنا
لما نلقّى القلب تاه
مره نفرح من قلوبنا
والأمل نِضحّك معاه
أه ساعات لازم نضِل
وقتها البركه تقِل
شخص مادى ومٌستغِل
قلبه ماشى على هواه
برضه فيه صاحب ضمير
عمره ما إتغيّر كتير
دنيته لسه بخير
مهما طال فيها أساه
دوْل نوعين عايشين ما بيّنا
إنت مين فيهم صحيح
نفسى مره تكون صريح
لو تواجه أى ريح
بوصلِتّك أنهى إتجاه
التعليقات مغلقة.