تعرف تكذب.بقلم: وحيد على الجمال
انك لسه سعيد ومزئطط
وانك رغم الضلمة وحظك
ماسك لسه بإيدك نفسك
وان الفجر اكيد هيعدي
وان الدنيا هتصبح وردي
بس انا شوفتك
و أنت بتلعن كل ظروفك
و بتتمني الموت يوصلك
قبل ماكسرك يبقى حقيقة
و لا حدش راح يجبر خاطرك
و أنت بتكتب اسمك
كامل كدا متشقلب
و أنت بتنطق بعض حروفه
تحس بروحك كدا متكهرب
تعرف تكذب؟
و أنت بتنشر أي قصيدة
عمال تحذف بعض حروفها
لحسن فجأة تكون مفهومة
وتلاقي نفسك جوه الصورة
محتاج تثبت
انك عيل خايب واهبل
وأن الخوف مش ساكن
نفسك
لما شيطانك بيوسوسلك
إنه أكيد في المرة الجاية
مش هيسيبك و هيندهلك
و إنك بعد الغيبه الجامدة
عمرك كله شكله اونطة
تعرف تكذب؟
انك رغم الدخل وعجزه
لسه مكفي كل مطالبك
و ساعات منه كمان بتوفر
و همستلي بالراحه
في ودني
حطلي ألف جنيه
في الشنطة
سميها زي ماهتسميها
ممكن حتي تسميها صدقة
ممكن حتى تسميها رشوة
و أنا هقبلها وقت الشدة
ربك سد الجوع بالسرقة
حتي سامحلك إنك ممكن
تاكل جيفة
بدل نعشك و أكتب نعيك
و اشتري فيه مسمار يشفعلك
و إقرا الكف و شوف بقى حظك
تعرف تكذب ؟
إنك عايش لسه في نعمة
و إن فلوسك بعد معاشك
راح تصرفها لأجل
في مرة تشوف الكعبة
و أنت يا دوبك سالف لسه
علشان بس تدوق الشوربة
اكتب ياله وصيه لنفسك
إنك عايش جوه كابوس
مش راح يسمح إنه يسيبك
أو يشفعلك
وان الحلم اللي انت شاحته
طلع فنكوش مش لاقي حتي يستر نفسه
تعرف تكذب ؟
التعليقات مغلقة.