كان مكتوب.بقلم:حسن أبو عرب
هو انا حبيت غيرِك مخلوق ؟!
أو قلبي فى يوم كان هِدَى م الشوق؟!
ازاي حبيتِك معرفشي؟!
دا هواكِي عليا كان مكتوب
سحَرِتنِّي عيُونِك من نظره
فقُوليلي ازاي من عِشقِك اتُوب
وازاي انساكِي ولو لحظه
لو يِحصَل أبقَى قليل الذوق
ياحبيبتي البحر بيتعكر
وساعات المَيَّا كتير بترُوق
حيران بين جزرِك ومدُودِك
وعيونِك مركِب لِيَّا وطُوق
فرحتي راح تِكمَل بوجودِك
متعَرِّي بدُونِك مِن غير تُوب
على بابِك واقف مستَنِّي
أَقطُف مِن شمسِك كل شروق
هو انا حبيت غيرك مخلوق.؟!
أو قلبي فى يوم كان هدي م الشوق
ازاي حبيتِك معرفشي !
دا هواكي عليا كان مكتوب
التعليقات مغلقة.